Naturhendingar
Naturhendingar er til dømes ekstremt vêr, flaum eller skred som kan bli til naturkriser når lokalsamfunn og samfunnskritisk infrastruktur blir ramma. Andre naturhendingar som kan skje er skog- og utmarksbrann, romvêr, vulkansk aktivitet og jordskjelv. Naturhendingar blir hovudsakeleg utløyst av naturkrefter. Likevel kan naturlege hendingar bli utløyste av menneskeleg aktivitet. Klimaendringane gjer at talet på vêrrelaterte naturhendingar aukar.
Hendingar som Statsforvaltaren i Rogaland har valt å sjå nærmare på innan risikoområdet naturhendingar er ekstremt vêr, flaum og skred, ettersom fylket vår er særleg utsett for desse risikoområda. Vi blir stadig betre til å føreseie og sikre oss mot naturhendingar, men det er framleis utfordringar med å innrette samfunnet slik at risikoen ved slike hendingar blir så små som mogleg. Dei materielle konsekvensane kan vere store ved naturhendingar. I følgje Naturskadestatistikk (NASK) er det storm og flaum som har ført til mest erstatning etter skadar i Rogaland.
Av store hendingar i Noreg er det følgjande som har gjort mest skadar:
| Namn | Dato | Type | Tal på skadar |
Erstatning (i 1000 kr) |
| Nyttårsorkan | 01.01.1992 | Storm | 29 617 | 1 200 604 |
| Vesleofsen | 25.05.1995 - 25.06.1995 | Flaum | 7 126 | 904 269 |
| Dagmar | 25.12.2011 - 27.12.2011 | Storm | 20 360 | 1 338 577 |
| Nina | 09.01.2015 - 12.01.2015 | Storm | 14 227 | 630 673 |
| Synne | 04.12.2015 - 07.12.2015 | Flaum | 1 466 | 340 861 |
| Gyda | 12.01.2022 - 13.01.2022 | Flaum, storm | 2000 | 129 071 |
Store hendingar i Noreg som har ført til skadar (erstatningstala er ikkje indeksregulerte) (Tala for Gyda er innrapporterte 12.-15.01, Finans Noreg)