Norgga-Suoma rádječázádatkommišuvdna
1980 skábmamánus vuolláičáliiga suoma ja norgga ráđđehus “norgga-suoma rádječázádatkommišuvnna soahpamuša gaskal Norgga ja Suoma”. Deháleamos čázádagat maid Norga ja Suopma juogadeaba leat Deano-, Njávdán- ja Báhčaveajit-čázádat.
Norgga-Suoma rádječázádatkommišuvdna ásahuvvui 1980:s ovttastahttit beroštumiid ja doaimmaid rádjerasttideaddji čázádagain. Šiehtadus guoská sihke báikkálaš, guvllolaš ja guovddáš eiseválddiide. Deháleamos čázádagat maid Norga ja Suopma juogadeaba leat Deano-, Njávdán- ja Báhčaveajit-čázádat. Báhčaveajitčázádat juogaduvvo maiddái Ruoššain.
Rádječázádatkommišuvdna lea ráđđeaddi orgána mii addá rávvagiid rádječázádagaid birra iežaset gullevaš riikkaid ráđđehusaide, earret eará birasdilálašvuođa, čáhcekvalitehta ja -goziheami, guolledilálašvuođaid, huksemiid birra njuoskkádatguovllus ja eará áššiid birra mat váikkuhit rádječázádagaide. Kommišuvnna miellahtut deaivvadit unnimusat oktii jahkái ja lonohallet dieđuid, ja digaštallet jearaldagaid mat gullet čázádagaide. Finnmárkku Fylkkamánni birasgáhttenossodat jođiha norgga sáttagotti ja lea norgga čállingoddi kommišuvdnii. Suoma bealde lea Lappland ELY-guovddáš mii jođiha kommišuvnna suoma bealde ja lea suoma čállingoddi.
Rádječázádatkommišuvdna galgá dárbbu mielde álggahit ovttasbargoprošeavttaid. Prošeavtta mat leat čađahuvvon leat earret eará máŋggageavahusplána rádjejogaide Deatnu, Báhčaveadji ja Njávdán, ja oktasaš gozihanprográmmat, nugo ovdamearkka dihte Báhčaveajitprográmma.